Benzema XXI əsrin rekorduna imza atdı

 "Real"ın futbolçusu Kərim Benzema yeni rekorda imza atıb.

Corner.az "OptaJose" nəşrinə istinadən xəbər verir ki, 33 yaşlı hücumçu buna La Liqanın VI turunda "Malyorka"ya 6:1 hesabı ilə qalib gəldikləri matçda nail olub.

Fransa millisinin üzvü qarşılaşmada 2 qol vurub və eyni sayda məhsuldar ötürmə edib. 

Beləliklə, o, 6 turdan sonra 8 qol və 7 məhsuldar ilə yadda qalıb. Bu da Avropanın "top-5" liqalarında XXI əsrdə bir futbolçu üçün rekord göstərici hesab edilir. Benzema bu görüşdə La Liqada 200-cü qolunu da qeyd edib.

Qeyd edək ki, "Real Madrid" 16 xalla turnir cədvəlinə başçılıq edir.