Messinin evinə getdim, vəziyyəti yaxşı deyildi – Aquero

“Barselona”nın futbolçusu Serxio Aquero İspaniyanın “El Pais” nəşrinə müsahibə verib.

Corner.az xəbər verir ki, 33 yaşlı hücumçu, Kataloniya təmsilçisinə keçdiyinə görə peşman olmadığını deyib:

“Peşman deyiləm. Dürüst olaq, kim “Barselona”da oynamaq istəməz? Yaxşı da olsa, pis də olsa, hər bir futbolçu “Barselona”da çıxış etmək istəyər.

Lionel Messiylə oynayacağımı və yaxşı bir komanda qurulacağı düşüncəsi ilə gəldim. Mənə zəng edəndə “pul vacib deyil, əsas olan komandaya kömək etməyimdir” dedim.

Daha sonra Messinin klubu tərk etməsi bir şok vəziyyət yaratdı. Əvvəlcə buna inanmadım, ama məndə şok olmuşdum. Messinin evinə getdim, vəziyyəti yaxşı deyildi, xəstlənmişdi”.