“Tarixdə onun kimi futbolçu yoxdur” – Pique

İspaniya La Liqasının son turunda “Real Betis”i 4:1 hesabı ilə məğlub edən “Barcelona”nın müdafiəçisi Gerard Pique açıqlama verib.

Corner.az xəbər verir ki,ispaniyalı futbolçu, oyun haqqında fikirlərini bildirib: “Nəticə yaxşıdır, amma eyforiyaya qapılmamalıyıq. Bu nəticələrlə çempionluğa daha da yaxınlaşdıq. Hələ qarşıda oyunlarımız var. Hər matçda oyunumuzu yaxşılaşdırmalıyıq”.

32 yaşlı müdafiəçi, oyunda het-trik edən argentinalı hücumçu Lionel Messi haqqında da danışıb: “Messi xüsusi bir futbolçudur. Hazırda yaxşı oynayan çox futbolçu var, amma Messi 14 ildir ki, yüksək səviyyədə çıxış edir. O, unikaldır. Tarixdə onun kimi futbolçu yoxdur”.