Barselona Ronald Kumanı istefaya göndərdi

“Barselona”nın baş məşqçisi Ronald Kuman Kataloniya təmsilçisindən ayrılıb.

Corner.az xəbər verir ki, bu barədə klubun rəsmi saytı məlumat yayıb.

Niderlandlı mütəxəssis İspaniya çempionatının 11-ci turu çərçivəsində baş tutan “Rayo Valekano” ilə oyundan sonra istefaya göndərilib. Bu oyunda 0:1 hesabıyla məğlub olan Kataloniya klubunun rəhbərliyi maçtdan dərhal sonra Kumanı postundan kənarlaşdırmaq barəsində qərar verib.

“Barselona” La Liqanın cari mövsümündə keçirdiyi 10 matçdan sonra 15 xal toplayaraq turnir cədvəlinin 9-cu pilləsində qərarlaşıb.

Ronald Kuman ötən ilin avqustundan “Barselona”ya rəhbərlik edirdi.