"Barselona”nın futbolçusu Serxio Aqueronun səhhətində problem yaranıb. Corner.az xəbər verir ki, 33 yaşlı hücumçu La Liqanın 12-ci turunun “Alaves”lə matçının ilk hissəsində sinəsində narahatlıq hiss edib. Argentinalı futbolçu bundan sonra 41-ci dəqiqədə Filippe Koutinyo ilə əvəzlənib.
“Barselona” klubu Aqueronun narahatçılığı ilə bağlı açıqlama yayıb və təcrübəli forvardın matçdan sona kardioloji müayinədən keçdiyi bildirilib.
“Barselona” – “Alaves” matçı 1:1 hesabıyla bitib.
