Kuman və Barxuan fərqli məşqçilərdi, lakin ...

"Barselona”nın futbolçusu Jordi Alba La Liqada “Alaves”ə qarşı keçirdikləri oyundan (1:1) sonra fikirlərini bildirib.

Corner.az “Marca”ya istinadən xəbər verir ki, 32 yaşlı müdafiəçi, Kuman və Barxuan arasında fərq olduğunu bildirib:

“Üç xal qazana bilmədik. Bu, çox pisdir. İşimiz daha da çətinləşir. Komanda çalışır, çalışır, amma alındıra bilmirik. Bir çox qol imkanı yaratsaq da, dəyərləndirə bilmədik.

Ronald Kuman və Serxi Barxuan fərqli məşqçilərdir, lakin düşüncələri eynidir. Ümid edirəm ki, qarşıdakı oyunlarda daha yaxşı olacağıq. Çətin günlərimizdə yanımızda olan azarkeşlərimizin köməyi ilə yaxşılaşacağıq”.