- İspaniya L.L.
- 20:16 23.03.2026
“Barselona” klubu bir müddət əvvəl istefaya göndərilən Ronald Kumana 12 milyon avro təzminat ödəməli olsa da, bu məbləği endirmək niyyətindədir.
Corner.az xəbər verir ki, maliyyə problemləri yaşayan Kataloniya təmsilçisi niderlandlı mütəxəssisə 7-8 milyon avro ödəmək istəyir. Bu barədə “Marca” nəşri məlumat yayıb.
Məlumatda, Kumanın “Barselona” rəhbərliyinin bu fikrinə müsbət yanaşmadığı bildirilir. O, 12 milyon avro olan təzminatı tam almaq istəyir.
“Barselona” keçmiş çalışdırıcısına bu məbləği ödəməzsə, Kuman klubu məhkəməyə verə bilər.
