- İspaniya L.L.
- 22:36 09.05.2026
İspaniyanın “Rayo Valyekano” komandasının hücumçusu Radamel Falkao sıradan çıxıb.
Corner.az xəbər verir ki, bu barədə klubun rəsmi saytı məlumat yayıb.
Kolumbiyalı futbolçu La Liqanın 13-cü turunda “Real”a 1:2 hesabıyla uduzduqları səfər oyununda zədələnib. O, zədələndiyi üçün bu oyunda sonadək mübarizə apara bilməmişdi. Tibbi müayinələrdən sonra Falkaonun azı 3-4 həftə komandasına kömək edə bilməyəcəyi müəyyənləşib.
Xatırladaq ki, bu yay “Qalatasaray”dan ayrılaraq “Rayo Valyekano”ya keçən Falkao bu komandada meydana çıxdığı 7 oyunda 5 qola imza atıb.
