Futbol üzrə İspaniya La Liqasında 16-cı tura start verilib. Corner.az xəbər verir ki, bu gün daha dörd qarşılaşma baş tutub.
“Sevilya” bu turda doğma meydanda “Vilyarreal”ı qəbul edib və minimal hesabla qalib gəlib. “Atletiko” isə “Malyorka” ilə üz-üzə gəlib. Madrid təmsilçisi üç qolun vurulduğu bu görüşdə məğlubiyyətlə üzləşib.
“Barselona” doğma meydanda “Betis”i qəbul edib və məğlubiyyətə üzülüb. Lider “Real” isə səfərdə “Real Sosyedad”ın qonağı olub və inamlı qələbə qazanıb.
İspaniya La Liqası
16-cı tur
3 dekabr
Qranada – Alaves 2:1
Qol: Puertas, 14. Arias, 86 – Abram, 81-öz qapısına.
4 dekabr
Sevilya – Vilyarreal 1:0
Qol: Okampos, 16.
Barselona – Betis 0:1
Qol: Xuanmi, 79.
Atletiko – Malyorka 1:2
Qol: Kunya, 68 – Russo, 80. Kubo, 90+1.
Real Sosyedad – Real 0:2
Qol: Vinisius, 47. Yoviç, 57.
