İspaniyanın “Levante” komandasının yeni baş məşqçisi müəyyənləşib. Corner.az xəbər verir ki, Alessio Lişi La Liqa təmsilçisinin yeni baş məşqçisi təyin olunub.
Bu barədə klubun rəsmi saytı məlumat yayıb. İtaliyalı mütəxəssislə imzalanan müqavilənin müddəti açıqlanmayıb.
“Levante”ni bu ilin oktyabrından etibarən Xavyer Pereyra çalışdırırdı. Lakin uğursuz nəticələrə görə noyabrın 30-da istefaya göndərilib. Komanda həmin gündən məhz Alessio Lişi təyin olunmuşdu. Klub rəhbərliyi daha sonra 36 yaşlı mütəxəssisin bu postda qalmasına qərar verib.
