İspaniya La Liqasında 19-cu turun oyunları keçirilir. Corner.az xəbər verir ki, bu gün daha altı qarşılaşma baş tutub.
“Elçe” - “Qranada” və “Alaves” - “Real Sosyedad” matçlarında qalib müəyyənləşməyib. “Betis” doğma meydanda “Selta"nı qəbul edib və görüşdə qonaqlar qələbə qazanıb.
“Atletiko” evdə “Rayo Valyekano” ilə üz-üzə gəlib. Son çempion bu matçdan inamlı qələbəylə ayrılıb.
Lider “Real” bu turda səfərdə “Xetafe”nin, “Barselona” isə “Malyorkanın qonağı olub. Madrid təmsilçisi yeni ildəki ilk matçında məğlubiyyətlə üzləşibsə, Kataloniya təmsilçisi isə qələbəyə sevinib.
İspaniya La Liqası
19-cu tur
31 dekabr
Valensiya – Espanyol 1:2
Qol: Alderete, 51 – De Tomas, 83. Puado, 89.
2 yanvar
Xetafe – Real 1:0
Qol: E.Ünal, 9.
Atletiko – Rayo Valyekano 2:0
Qol: Korrea, 28; 53.
Elçe – Qranada 0:0
Alaves – Real Sosyedad 1:1
Qol: Xoselu, 58-pen – Yanuzay, 14.
Betis – Selta 0:2
Qol: Aspas, 36; 45+2.
Malyorka – Barselona 0:1
Qol: De Yonq, 44.
