İspaniya La Liqasının 20-ci turu çərçivəsində baş tutan “Valensiya” ilə oyun “Real”ın hücumçusu Kərim Benzema üçün əlamətdar olub.
Corner.az xəbər verir ki, fransalı futbolçu komandasının 4:1 hesabıyla qalib gəldiyi matça dubl imza edib.
Benzema, “Real”ın heyətində vurduğu qolların sayını 301-ə çatdırıb. 34 yaşlı futbolçu Madrid təmsilçisinin tarixində 300 qol həddini keçən 4-cü futbolçu ünvanına sahib olub. Bu komandanın tarixində ən çox qol vuran futbolçu Kriştiano Ronaldodur – 450 qol. Raul Qonzales 323 qolla ikinci, Alfredo Di Stefano 308 qolla üçüncüdür.
Benzema “Valensiya” ilə oyundakı qollardan birini penaltidən vurub. 43-cü dəqiqədə hesabı açan forvard “kral klubu”nun heyətində yerinə yetirdiyi 15-ci penaltinidən yararlanmağı bacarıb. Bununla da o, Madrid təmsilçisində bu sayda 11 metrlik cərimə zərbəsini boşa verməyən yeganə oyunçuya çevrilib
