Diego Costa niyə qovulub?
Atletico Madrid'in futbolçusu Diego Costanın La Liqanın 31-ci turunun "Barcelona" ilə oyununda meydandan qovulmasının səbəbi məlum olub.Corner.az İspaniya mətbuatına istinadən xəbər verir ki, 30 yaşlı hücumçu görüşün baş hakimi Xesus Hil Mansanonu təhqir etdiyi üçün qırmızı vərəqə alıb. Bu barədə referi oyunun protokolunda qeyd edib: "28-ci dəqiqədə Costa yüksək səslə mənə qışqırıb, söyüş söydüyü üçün meydandan qovulub.Diego, mənim anamı söydü, onu "fahişə" adlandırdı".İspaniya mətbuatı isə iddia edir ki, Costa hakimə "Səni dünyaya gətirdiyi üçün anan lənətə gəlsin" deyib.
