“Barselona” klubu ciddi itki ilə üzləşib. Corner.az xəbər verir ki, Kataloniya təmsilçisinin hücumçusu Ansu Fati sıradan çıxıb. Bu barədə klubun mətbuat xidməti məlumat yayıb.
20 yaşlı hücumçu İspaniya kubokunun 1/8 final mərhələsində “Atletik”lə görüşdə (2:3) sıradan çıxıb. Qarşılaşmanın 61-ci dəqiqəsində meydana daxil olan ispan futbolçu 35 dəqiqə sonra sol ayağından xəsarət alaraq əvəzlənib.
Fatinin durumu tibbi müayinədən sonra müəyyənləşəcək.
2020-ci ilin noyabrında dizindən zədə alan Ansu Fati ötən ilin sentyabrına qədər yaşıl meydanlardan uzaq qalmışdı.
