İspaniyanın “Real” klubu ciddi itkiylə üzləşib. Corner.az xəbər verir ki, Madrid təmsilçisinin hücumçusu Kərim Benzema sıradan çıxıb.
34 yaşlı hücumçu La Liqanın 22-ci turunda “Elçe”yə qarşı keçirilən oyunda (2:2) zədələnib. Fransalı futbolçunun bərpa müddəti hələlik məlum deyil.
Zədələnən Benzemaya daha bir şok isə evinin qarət olunması olub. Hadisə elə məhz “Real”ın “Elçe”yə qarşı keçirdiyi oyun (2:2) zamanı yaşanıb. Quldurlar futbolçunun evinə baxçadan girib. Evdən oğurlanan əşyalar haqda məlumat verilmir.
Benzema “Elçe” ilə oyunun start heyətində yer alıb və 58-ci dəqiqədə zədələnərək meydanı tərk edib.
