Dani Alveş tarixə düşdü

İspaniyanın "Barselona" klubunun futbolçusu Daniel Alveş XXI əsrdə 1000-ci matçına çıxıb.

Corner.az Beynəlxalq Futbol Tarixi və Statistikaları Federasiyasının rəsmi saytına istinadən xəbər verir ki, 38 yaşlı cinah müdafiəçisi buna "Atletiko" (Madrid) komandasını 4:2 hesabı ilə məğlub etdikləri La Liqanın 23-cü tur oyununda nail olub.

Braziliyalı futbolçu hazırda İngiltərənin "Mançester Yunayted" klubunun futbolçusu Kriştiano Ronaldodan geri qalır.

Madrid klubu ilə görüşdə Kataloniya təmsilçisinin 4-cü qoluna imza atan təcrübəli futbolçu həm də "Barselona" tarixinin ən yaşlı qolçusu olub. Alveş 1963/1964 mövsümündə 37 yaşında fərqlənmiş Joan Seqarranın rekordunu qırıb.