Costa düzgün etmədi, ancaq ... - Partey

“Atletico Madrid”in futbolçusu Thomas Partey komanda yoldaşı Diego Costanın cəzalandırılmasına münasibət bildirib.

Corner.az xəbər verir ki, İspaniyanın “Marca” nəşrinə açıqlama verən Partey, Costaya verilən cəzanın çox sərt olduğunu deyib:“Düşünürəm ki, 8 oyunluq cəza çoxdur. Bu, ədalətsizlikdir. Ümid edirəm ki, Costanın cəzası azaldılacaq. Costa düzgün etmədi, ancaq 8 oyunluq cəza da çox sərtdir”.

İspaniya Futbol Federasiyasının İntizam Komitəsi “Barcelona” ilə oyunda hakimin anasını təhqir etdiyi üçün “Atletico”un futbolçusu Diego Costaya 8 oyunluq cəza verib.