“Real”ın baş məşqçisi Karlo Ançelotti uelsli futbolçu Qaret Beylin cari mövsümün sonunda Madrid klubundan ayrılacağını təsdiqləyib. Corner.az İspaniya mətbuatına istinadən xəbər verir ki, bu barədə italiyalı mütəxəssis Çempionlar Liqasının 1/8 finalında PSJ ilə ilk oyundan əvvəl açıqlama verib:
“Beylin “Real”la müqaviləsini yaxşı şəkildə başa çatdırması lazımdır. Mükəmməl motivasiyaya sahib olmasa da amma hörmətə layiqdir. O, çox yaxşı peşəkardır. Bu günə kimi heç kimə hörmətsizlik etməyib. Bizimlə birgə bir çox uğur qazandı.Buradakı müqaviləsini ən yaxşı şəkildə sonlandırması lazımdır”.
32 yaşlı futbolçunun “Real”la müqaviləsi iyun ayında başa çatacaq.
