İspaniyanın “Real” və “Barselona” klubları arasında keçiriləcək növbəti “el klasiko”nun vaxtı açıqlanıb. Corner.az xəbər verir ki, bu barədə La Liqanın rəsmi saytı məlumat yayıb.
Xəbərdə, əzəli rəqiblərin “Santyaqo Bernabeu” stadionunda baş tutacaq 29-cu turun oyunu martın 20-də keçiriləcəyi bildirilib. Madriddəki “Santyaqo Bernabeu” stadionunda baş tutacaq oyun 29-cu tura təsadüf edəcək.
Bu iki komanda arasında cari mövsümün ilk hissəsində baş tutmuş görüş Madrid təmsilçisinin 2:1 hesablı qələbəsi ilə yekunlaşıb. 25 turdan sonra “Real” 57 xalla liderdir, 24 oyun keçirmiş “Barselona” isə 42 xalla dördüncüdür.