Griezmann bunu bacaran ilk futbolçu oldu
İspaniya La Liqasının 32-ci turunda keçirilən "Atletico" - “Celta” matçı meydan sahiblərinin futbolçusu Antoine Griezmann üçün əlamətdar olub.
Corner.az xəbər verir ki, matçın 74-cü dəqiqəsində fərqlənən Griezmann, bu mövsüm Madrid klubunda vurduğu qolların sayını 20-yə çatdırıb. Fransalı futbolçu ardıcıl 5 mövsümdür ki, “Atletico”nun heyətində 20 və daha çox qol vurur. O, Madrid təmsilçisinin heyətində bunu bacaran ilk futbolçu olub. Qeyd edək ki, 28 yaşlı futbolçu 2014/15 mövsümündə 24, 2015/16-da 31, 2016/17-də 26, 2017/18-də isə 26 qola imza atıb.
