Benzemadan Fransa futbolunda tarixi nailiyyət

İspaniyanın "Real Madrid"in futbolçusu Kərim Benzema Fransa futbol tarixinin bombardiri olub.

Corner.az xəbər verir ki, 34 yaşlı hücumçu La Liqanın 28-ci turu çərçivəsində səfərdə "Malyorka" ilə oyunda dubl edib. Qarşılaşma qonaqların 3:0 hesabı ilə qələbəsi ilə yekunlaşıb.

"Real Madrid"in hücumçusu aktivindəki qol sayını 413-ə çatdırıb. Bu göstəricidə ikinci yeri 411 qolla artıq karyerasını başa vurmuş Tyerri Anri tutur.

Qeyd edək ki,  Benzema 2009-cu ildən "Real Madrid"də çıxış edir. O, komandanın heyətində üç dəfə İspaniya çempionu olub, iki dəfə ölkə kubokunu, dörd dəfə Çempionlar Liqasını qazanıb.

Əlavə edək ki, Kərim Benzema 2004 - 2009-cu illərdə "Lion"un formasını geyinib.