“Barselona”nın futbolçuları Jerar Pike və Serjino Dest Avropa Liqasının 1/8 final mərhələsinin “Qalatasaray”la oyununda (3:1) sıradan çıxıblar. Corner.az xəbər verir ki, Dest matçın 56-cı dəqiqəsində əvəzlənib.
21 yaşlı futbolçunun budunun arxa əzələləri zədələnib. Amerikalı müdafiəçinin bir neçə həftə yaşıl meydanlardan kənarda qalacağı və iki gün sonra keçiriləcək “el klasiko”nu buraxacağı bildirilib.
Pike isə 81-ci dəqiqədə narahatlıq hiss edərək meydanı tərk edib. 35 yaşlı müdafiəçinin “Real”la oyunda iştirakı isə sual altındadır.
Martın 20-də keçiriləcək “Real” – “Barselona” matçına Bakı vaxtı ilə saat 00:00-da start veriləcək.
