"Barselona”nın baş məşqçisi Xavi Kataloniya klubun tarixinə düşüb. Corner.az xəbər verir ki, 42 yaşlı mütəxəssis Kataloniya təmsilçisinin “sükanı arxasında” 63 il sonra bir ilkə imza atıb.
Xavi 6 oktyabr 1958-ci ildə komandanın baş məşqçisi Elenio Errerandan sonra “el klasiko”da 4 top fərqi ilə qələbə qazanan ikinci məşqçi olub.
Xavi bu göstərici ilə 1958-1960 və 1979-1981-ci illərdə komandaya rəhbərlik etmiş Elenio Erreranın nəticəsini təkrarlayıb.
“Barselona” La Liqanın 29-cu turunda səfərdə “Real”ı darmadağın edib – 4:0.
