"Barselona”da 600 oyun keçirmişəm. Xəyalını qurduğum karyera budur”. Corner.az İspaniya mətbuatına istinadən xəbər verir ki, bu sözləri “Barselona”nın müdafiəçisi Jerar Pike söyləyib. 35 yaşlı ispan futbolçu Kataloniya təmsilçisindəki 600 oyuna çıxmağın önəmli rəqəm olduğunu bildirib:
“Klubun heyətində 600 oyun keçirmişəm, bu çox önəmli rəqəmdir. Bu, mənə ən yaxşısını etdiyim hissini verir, xəyalını qurduğum karyera və gerçəkləşən arzumdur. Ümid edirəm ki, daha yaxşı oynayıb, kluba kömək etməyə davam edəcəm”.