Qadın futbolçular arasında Çempionlar Liqasının 1/4 final mərhələsinin “Barselona” – “Real” oyunu tarixə düşüb. Corner.az xəbər verir ki, “Kamp Nou” stadionundakı “El klasiko”nu 91 min 553 azarkeş izləyib.
Bu isə qadın futbolu tarixində yeni dünya rekordudur. Görüş “Barselona”nın 5:2 hesablı qələbəsi ilə yekunlaşıb. İlk oyunda da rəqibini 3:1 hesabı ilə məğlub edən kataloniyalılar yarımfinalda “Arsenal” – “Volfsburq” cütünün qalibi ilə üz-üzə gələcək.
Çempionlar Liqasının final matçı mayın 21-də Turində (İtaliya) keçiriləcək. “Barselona” turnirin son qalibidir.
