"Real”ın yarımmüdafiəçisi Federiko Valverde La Liqanın 30-cu turunda “Selta” ilə oyunda (2:1) qazandıqları qələbə ilə bağlı fikirlərini bölüşüb. Corner.az AS nəşrinə istinadən xəbər verir ki, 23 yaşlı futbolçu “Selta” ilə matçda dubl edən komanda yoldaşı Kərim Benzemanı tərifləyib:
“Düzünü desəm, səfərlərdən bir az yorulmuşam. Bu səfərlər saatlarla çəkir və bəzən yatmaqda mümkün olmur.
Tibo Kurtua və Kərim Benzema bizim üçün çox önəmli futbolçulardır. Benzema bir çox oyunlarda öz səviyyəsini göstərir. Onun etdikləri möhtəşəmdir.
“Çelsi” ilə Çempionlar Liqası oyunları? Bizim üçün bu oyunlar bir qisasdır. Bizdə məqsədə çatmaq üçün əla oyunçular və motivasiya var”.
