İspaniya La Liqasının 31-ci turunun “Levante” – “Barselona” matçında (2:3) qonaqların qapısına üç penalti təyin edilib. Corner.az İspaniya mətbuatına istinadən xəbər verir ki, Kataloniya təmsilçisinin tarixində ilk dəfə La Liqa oyununda komandanın qapısına üç dəfə penalti zərbəsi təyin olunub.
“Barselona”nın qapıçısı Mark-Andre ter Ştegen penaltilərdən birini qaytara bilib.
“Barselona” “Levante”yə qalib gəlməklə, xallarının sayını 60-a yüksəldib və turnir cədvəlində 2-ci pillədə qərarlaşıb.
