Real'da yeni müqavilə

İspaniyanın "Real Madrid" klubu futbolçusu Luka Modriçlə müqavilənin müddətini uzatmaq istəyir.

Corner.az-ı məlumatına görə, bu barədə italiyalı jurnalist Canluka Di Martsio bildirib.

Tərəflər sözləşmənin daha bir uzadılması ilə bağlı danışıqları uğurla başa çatmaq üzrədi. Lakin 36 yaşlı yarımmüdafiəçinin agentləri onun maaşının 12,5 milyon avroya qaldırılmasında israr edirlər. Bu, koronavirus pandemiyasından əvvəl xorvatiyalı oyunçunun aldığı məvacibdir. Modriçin özü də daha bir mövsüm "kral klubu"nda çıxış etməyə müsbət yanaşır.

Qeyd edək ki, Luka Modriç cari mövsüm "Real Madrid"in heyətində 36 oyuna çıxıb, 3 qol və 8 məhsuldar ötürmə ilə yadda qalıb.