"Barselona” klubunun azarkeşləri La Liqanın 32-ci turunda “Kadis”lə bu gün keçiriləcək oyunu boykot etmək qərarına gəlib. Corner.az İspaniya mətbuatına istinadən xəbər verir ki, buna Avropa Liqasının 1/4 final mərhələsində “Ayntraxt”la “Nou Kamp”dakı cavab matçında (2:3) qonaq komandanın azarkeşlərinin çoxluq təşkil eləməsi səbəb olub.
Kataloniya təmsilçisinin fanatları turistlərə və qonaq komandaların azarkeşlərinə stadiona giriş imkanı verən sistemi pisləmək üçün bu addımı atıblar. Onlar klubun rəhbərliyi əleyhinə aksiya keçirməyi planlaşdırırlar.
“Barselona” – “Kadis” matçı bu gün saat 23:00-da başlayacaq.
