İspaniyanın “Qranada” klubunun yeni baş məşqçisi müəyyənləşib. Corner.az xəbər verir ki, La Liqa təmsilçisinin "sükan"ı Aytor Karankaya tapşırılıb.
48 yaşlı mütəxəssisin yeni komandası turnir cədvəlində 17-ci pillədədir. “Qranada” son iki matçda “Levante”yə 1:4, “Sevilya”ya 2:4 hesabı ilə uduzub.
İspaniyalı çalışdırıcının son iş yeri ötən il ayrıldığı İngiltərənin “Birmingem” klubu olub. O, 2010-13-cü illərdə “Real”da Joze Mourinyonun köməkçisi kimi çalışıb.
Karankadan öncə “Qranada”nı baş məşqçi vəzifəsini icra edən Ruben Torresilya çalışdırırdı.
