"Barselona”nın prezidenti Xuan Laporta komandanın La Liqadakı hədəfləri barədə danışıb. Corner.az xəbər verir ki, 59 yaşlı funksioner təslim olmasalarda çempionluğu qazanmağın çətin olacağını bildirib:
“Vəziyyət gözlədiyimizdən fərqlidir, ilk növbədə mənim üçün. Amma nə qədər ki, şans var, ümid də var. Riyazi olaraq hər şey mümkündür. Ən yaxşı nəticəni əldə etmək üçün finala bərabər yeddi oyuna çıxacağıq. Biz təslim olmayacağıq, amma çempionluğu qazanmaq çətin olacaq.
Çempionlar Liqasına düşmək üçün bizim yeddi final oyununu mütləq qazanmalıyıq”.
“Barselona” İspaniya Liqasının cari mövsümündə 31 oyundan sonra 60 xal toplayıb. Komanda qalan oyunlarda “Real Sosyedad”, “Rayo Valyekano”, “Malyorka”, “Betis”, “Selta”, “Xetafe” və “Vilyarreal”la qarşılaşacaq.