Qadın futbolçular arasında UEFA Çempionlar Liqasının yarımfinal mərhələsində İspaniya "Barselona"sı ilə Almaniya "Volfsburq"u arasında keçirilmiş ilk oyun tamaşaçı sayında yeni dünya rekordu ilə əlamətdar olub.
Corner.az xəbər verir ki, "Kamp Nou" stadionunda təşkil olunmuş matçı 91 648 tamaşaçı izləyib.
Görüşdə meydan sahibləri darmadağınla qalib gəlib – 5:1. Cavab oyunu aprelin 30-da Almaniyada olacaq.
Əvvəlki tamaşaçı rekordu martın 30-da "Barselona"nın İspaniya “Real”ı ilə keçirdiyi Çempionlar Liqasının 1/4 final mərhələsinin cavab görüşünə təsadüf edib. Həmin qarşılaşma zamanı tribunalarda 91 533 nəfər olub.