Benzema Uqo Sançesə çatdı

İspaniyanın "Real Madrid" klubunun futbolçusu Kərim Benzema komandanın sabiq hücumçusu Uqo Sançesə məxsus nailiyyəti təkrarlayıb.

Corner.az-ın "Opta" nəşrinə istinadən məlumatına görə, 34 yaxşlı hücumçu cari mövsüm bütün turnirlərdə 42 qol vurub. Bu isə Benzemanı klub tarixində belə bir göstəriciyə çatanlar arasında 5-ci edib.

40 qol həddini keçənlər siyahısında Kriştiano Ronaldo, Alfredo Di Stefano və Ferents Puşkaş da var.

"Real Madrid"in bu mövsüm daha bir neçə oyununun qaldığını nəzərə alsaq, Sançesi geridə qoymaq üçün hər cür şans var.

Qeyd edək ki, fransalı futbolçunun "Real Madrid"lə müqaviləsi 30 iyun 2023-cü ilədək nəzərdə tutulub.