"Atletiko”nun baş məşqçisi Dieqo Simeone İspaniya çempionatının 35-ci turunda “Real”a qalib gəldikləri oyundan sonra (1:0) rəqibin çalışdırıcısı Karlo Ançelottini tərifləyib. Corner.az istinadən xəbər verir ki, o, italiyalı mütəxəssisə heyran olduğunu deyib:
“Matçın sonunda digər məşqçiləri də salamladım. Məsələn, Bordalas və Marselinonu. Mən Ançelottinin şəxsiyyətinə heyranam. O, qələbələrdən sonra da, məğlubiyyətlərdən sonra da eyni cür davranır”.
“Atletiko” La Liqada 64 xal toplayıb və turnir cədvəlində Çempionlar Liqasında iştiraka zəmanət verən dördüncü yeri tutmaqda davam edir. Sona üç tur qalmış beşinci sırada “Betis” (58 xal) qərarlaşıb.
