İspaniya La Liqasına vəsiqə qazanan iki klub da bəlli olub. Corner.az xəbər verir ki, bunlar “Almeriya” və “Valyadolid” komandalarıdır. Belə ki, Sequndada baş tutan mövsümün son turunda “Almeriya” “Leqanes”lə heç-heçə edib – 2:2.
“Valyadolid” isə son oyunda “Hueska”ya qalib gələrək (3:0) mövsümü 2-ci pillədə başa vurub. Hər iki komanda mövsümü 81 xalla başa vurub. Lakin əlavə göstəricilərdə - şəxsi görüşlərin nəticələrində “Almeriya” “Valyadolid”dən üstün olduğu üçün çempion olub.
“Valyadolid” aşağı liqaya düşdükdən bir il sonra La Liqaya qayıdıb. “Almeriya” isə 2015-ci ildən bəri yüksək liqada çıxış etmirdi.
“Eybar", "Las Palmas", "Tenerife" və "Jirona" pley-off mərhələsində La Liqaya sonuncu vəsiqə uğrunda oynayacaq.
