İspaniyanın “Sevilya” klubunun yarımmüdafiəçisi Xesus Korona uzun müddətlik sıradan çıxıb. Corner.az xəbər verir ki, 29 yaşlı vinger komandanın son məşqlərindən birində ağır zədələnib.
Bu barədə klubun mətbuat xidməti məlumat yayıb. Topuq bağı qopan meksikalı oyunçunun əməliyyat olunacağı və təxminən 4-5 ay yaşıl meydanlardan kənarda qalacağı vurğulanıb.
Korona 2022-ci ilin yanvarında “Portu”dan “Sevilya”ya transfer olunub. O, İspaniya klubunda 23 oyuna 2 qol vurub. Meksikalı vinger daha öncə “Tvente” və “Monterrey”in də uğurları üçün çalışıb. Sağ cinah yarımmüdafiəçisi Meksika yığmasında 71 oyuna çıxıb, 10 qol vurub.
