İspaniya “Atletiko”sunun kapitanı Koke Madrid təmsilçisinin tarixinə düşüb. Corner.az xəbər verir ki, 30 yaşlı futbolçu bu klubun tarixində ən çox oyun keçirən futbolçuya çevrilib.
La Liqanın 5-ci turu çərçivəsində baş tutan “Selta” ilə matçda (4:1) meydana çıxan Koke, bu komandanın heyətində 551-ci oyununu keçirib. Nəticədə yarımmüdafiəçi bu klubun sabiq futbolçularından olan Abelardonu geridə qoyaraq “Atletiko”da ən çox oyun keçirmiş oyunçu ünvanına sahib olub.
Koke “Atletiko”nun öz yetirməsidir. O, 2009-cu ildən bu klubun əsas komandasında forma geyinir. İspan futbolçu 551 matçda 47 qol vurub, 100 məhsuldar ötürmə ilə yadda qalıb.
