“Barselona” klubunun və Uruqvay millisinin futbolçusu Ronald Arauxo əməliyyat olunub. Corner.az klubun rəsmi saytına istinadən xəbər verir ki, 23 yaşlı müdafiəçiyə Finlandiyanın Turku şəhərində cərrahi müdaxilə olunub.
Arauxo İrana 0:1 hesabı ilə uduzduqları yoldaşlıq görüşündə zədələnib. Onun 20 noyabr-18 dekabrda Qətərdə keçiriləcək dünya çempionatını buraxacağı ehtimal olunur.
Arauxo 2019-cu ildən “Barselona”nın əsas komandasında çıxış edir.
