"Real”ın baş məşqçisi Karlo Ançelotti “Xetafe” üzərində 1:0 hesabı ilə qələbə qazandıqları oyunla “kral klubu”nda 90-cı qələbəsini qazanıb. Corner.az xəbər verir ki, 63 yaşlı çalışdırıcı bu göstəricidə komandanın tarixində üçüncü olub.
Lider Migel Munyosdur (257 qələbə). İkinci yerdə isə Zinəddin Zidan (124) qərarlaşıb.
Eyni zamanda, italyan mütəxəssis “Real”a rəhbərlik edən bütün məşqçilər arasında ən yüksək qələbə faizinə malikdir – 73 faiz (122 matçda 90 qələbə).
“Real” 22 xalla İspaniya La Liqasında turnir cədvəlinə başçılıq edir.
