"Valensiya”nın hücumçusu Edinson Kavani İspaniya çempionatının 9-cu turunda “Elçe” ilə görüşdə (2:2) dubl edib. Corner.az xəbər verir ki, 35 yaşlı futbolçu 21-ci əsrdə Avropanın “böyük beşlik” liqalarından dördündə qol vuran beşinci cənubi amerikalı futbolçu olub.
Əvvəllər buna çilili Aleksis Sançes, kolumbiyalı Xames Rodriges, braziliyalı Filipp Koutinyo və argentinalı Anxel Di Maria nail olub.
Uruqvaylı oyunçu bu mövsüm La Liqada “Valensiya”nın heyətində 4 oyuna çıxıb, 2 qol vurub və 1 məhsuldar ötürmə edib.