La Liqa bu ayın sonunda dayandırıla bilər

İspaniya La Liqası oktyabrın 28-dən dayandırıla bilər.

Corner.az “La Saeta Rubia” nəşrinə istinadən xəbər verir ki, bu barədə La Liqanın prezidenti Xavyer Tebas bildirib.

60 yaşlı funksioner bunun hökumət tərəfindən tətbiq edilən və komandalara eyni vaxtda çempionatda və Superliqada iştiraka imkan verən yeni qanuna qarşı tətil aktı olduğunu söyləyib.

Qərar La Liqanın CVC investisiya fondu ilə müqaviləsini təhlükə altına qoyur. Belə ki, buna anlaşmaya görə də İspaniya komandaları 2 milyard avro qazanc əldə edə bilərlər.

Qeyd edək ki, oktyabrın 27-də La Liqanın növbədənkənar iclası planlaşdırılır. Toplantıda yarışın dayandırılmasının mümkünlüyü nəzərdən keçiriləcək.