"Barselona”nın hücumçusu Robert Levandovski La Liqanın 10-cu turunun “Vilyarreal”la oyununda (3:0) vurulan iki qolun müəllifi olub. Corner.az xəbər verir ki, 34 yaşlı futbolçu peşəkar karyerasında indiyədək 601 qola imza atıb. 21-ci əsrdə bunu əvvəllər yalnız iki futbolçu bacarmışdı – Kriştiano Ronaldo və Lionel Messi.
Polşalı oyunçu əvvəllər Polşanın “Delta”, “Lex” kimi klublarında, daha sonra isə Almaniyanın “Borussiya” (Dortmund) və “Bavariya” komandalarında çıxış edib.
O, bu mövsüm İspaniya çempionatında 10 oyun keçirib, 11 qol vurub və 3 məhsuldar ötürmə edib. Futbolçu UEFA Çempionlar Liqasında isə 4 oyuna çıxıb, 5 qol vurub.
