Çempionlar Liqasını unutmağa çalışdıq amma ...

"Barselona”nın baş məşqçisi Xavi İspaniya çempionatının 12-ci turunun “Valensiya” ilə oyunu (1:0) haqda fikirlərini bildirib.

Corner.az “Marca”-ya istinadən xəbər verir ki, 42 yaşlı mütəxəssis bu qələbənin komandası üçün çox vacib olduğunu deyib:

“Bu, çox vacib qələbədir, xüsusən də, buna son dəqiqədə nail olmağımız. Bir az əsəbi idik, Çempionlar Liqasını tərk etmək bizə pis təsir etdi. Çempionlar Liqasını unutmağa çalışdıq, amma bunu qəbul etmək çətindir. Səhv qərarlar verdik, ötürmə lazım olanda zərbə vururduq və ya əksinə. 

Komandam bu qələbəyə layiq idi. Oyunçularım çox çalışdılar və son saniyələrdə istədiklərinə nail oldular. Biz lider deyilik bu səbəbdən “Real”a təzyiq etmək istəyirik”.

“Barselona” 31 xalla La Liqanın turnir cədvəlində birinci yerdədir. İkinci yerdə bir oyun az keçirən “Real” qərarlaşıb