Barcelona 9 futbolçu ilə yolları ayırır - iddia

İspaniya Kral kubokunun finalında "Valencia"ya məğlub olan "Barcelona" heyətlə bağlı köklü dəyişikliyə hazırlaşır.

Corner.az "Sport" nəşrinə istinadən xəbər verir ki, Kataloniya təmsilçisi 9 futbolçu ilə yollarını ayırır. Klub rəhbərliyinin Yasper Silessen, Ceyson Murilya, Tomas Vermalen, Samuel Umtiti, Rafinya, İvan Rakitiç, Malkom, Filipe Koutinyo və Kevin Prins Boatenqlə vidalaşacağı bildirilir.

Bundan başqa, komandanın baş məşqçisi Ernesto Valverdenin də istefaya göndəriləcəyi gözlənilir. İddiaya görə, "Barcelona"nın prezidenti Xosep Bartomeu və Lionel Messi ispan mütəxəssisin komandada qalmasını istəmir.