İspaniyanın "Atletik" (Bilbao) klubunun futbolçusu İnyaki Uilyams 28 illik rekordu təkrarlayıb. Corner.az xəbər verir ki, 28 yaşlı hücumçu buna La Liqanın 13-cü turunda "Jirona" ilə oyunda meydana çıxmaqla nail olub.
Qanalı forvard yerli çempionatda ardıcıl 246-cı matçda iştirak edib. Uilyams bu göstəriciyə görə, 1987-1994-cü illərdə Almaniyanın "Ayntraxt" komandasının heyətində eyni sayda görüş keçirmiş Manfred Bintsin rekordunu təkrarlayıb.
Xatırladaq ki, İnyaki Uilyams peşəkar karyerasında yalnız Bilbao təmsilçisinin formasını geyinib. O, ümumilikdə 384 qarşılaşmada 101 qola imza atıb. Hücumçunun klubla müqaviləsi 2028-ci ilədək nəzərdə tutulub.
