Barcelona Valverde və 12 futbolçusu ilə yollarını ayırır

Barcelona heyətlə bağlı ciddi dəyişikliklərə hazırlaşır.

Corner.az "goal.com"a istinadən xəbər verir ki, Kataloniya klubu başda baş məşqçi Ernesto Valverde olmaqla, 12 futbolçu ilə yollarını ayırmağı planlaşdırır. Qapıçı Yasper Silessen, müdafiəçilər Samuel Umtiti, Ceyson Murilyo, Jan-Kler Todibo, Tomas Vermalen, yarımmüdafiəçilər Filipe Koutinyo, Denis Suarez, Rafinya, Andre Qomeş, İvan Rakitiç, hücumçular Kevin-Prins Boatenq və Malkomun komandanı tərk edəcəyi gözlənilir.

Qeyd edək ki, geridə qalan mövsümdə La Liqanı qazanan Barcelona Kral Kubokunda finalda Valencia'ya uduzub.