Messi İnter'ə qarşı oynayacaq?

Barcelona'nın hücumçusu L.Messi'nin Çempionlar Liqasının qrup mərhələsinin 4-cü turunda səfərdə İnter'ə qarşı oynayıb-oynamayacağı dəqiq məlum deyil.

Corner.az-ın məlumatına görə, bu barədə komandanın baş məşqçisi Ernesto Valverde La Liqanın 11-ci turunda “Rayo Vallecano”nu 3:2 hesabı ilə məğlub etdikləri matçdan sonra keçirilən mətbuat konfransında məlumat verib. Təcrübəli mütəxəssis bildirib ki, hər şey argentinalı futbolçunun məşqlərdə özünü necə hiss etməsindən sonra bəlli olacaq:

Barcelona Messi ilə hər zaman daha yaxşı oynayır. Onun İnter'lə görüşdə meydana çıxıb-çıxmayacağı sual altındadır. Məşqlərdə durumunu yaxından görə biləcəyik. Özünü necə hiss etməsindən asılı olaraq, Leo ilə bağlı qərarımı verəcəyəm”.

Qeyd edək ki, İnter – Barcelona matçı noyabrın 7-də keçiriləcək.