“Barselona” ciddi itki ilə üzləşib. Corner.az xəbər verir ki, Kataloniya təmsilçisinin yarımmüdafiəçisi Pedri sıradan çıxıb.
20 yaşlı oyunçu Avropa Liqasının pley-off mərhələsi çərçivəsində “Mançester Yunayted”də qarşı keçirdikləri ev oyununda (2:2) zədə alıb.
İspaniya mətbuatının bildirdiyinə görə, ilk tibbi müayinə zamanı ispan futbolçunun sağ ayağının bud əzələsindən zədə aldığı müəyyən edilib. Futbolçunun buna görə bir neçə həftə yaşıl meydanlardan kənarda qalacağı ehtimal olunur. Futbolçu fevralın 23-də “Mançester Yunayted”lə keçiriləcək Avropa Liqasının cavab oyununu və İspaniya kubokunun yarımfinalında “Real”la ilk görüşü buraxacaq.
