Real darmadağınla finalda!

İspaniya kubokunda yarımfinal mərhələsinə yekun vurulub. Corner.az xəbər verir ki, bu gün sonuncu finalçının adına aydınlıq gəlib.

“Real” səfərdə “Barselona”nın qonağı olub. Madriddə keçirilmiş ilk oyun Kataloniya təmsilçisinin qələbəsiylə yekunlaşmışdı. Cavab görüşündə isə “Kral klubu” 4 cavabsız qolla qalib gələrək finala yüksəlib.

Daha öncə “Osasuna” Bilbao “Atletik”ini iki oyunun nəticəsinə əsasən üstələyərək finala çıxmışdı. Beləliklə, finalda “Real”la “Osasuna” üz-üzə gələcək.

İspaniya kuboku
Yarımfinalın cavab oyunları
4 aprel

Atletik – Osasuna 1:1
Qol: İ.Uilyams, 33 – P.İbanes, 116.
İlk oyun – 0:1.

5 aprel

Barselona – Real 0:4
Qol: J.Vinisius, 45+1. K.Benzema, 50; 58; 80.
İlk oyun – 1:0.