“Barselona”nın prezidenti Xuan Laporta UEFA və FIFA-ya müraciət edib. Corner.az saytı xəbər verir ki, o, klub ətrafında baş verən qalmaqallarla bağlı adıçəkilən qurumlara məktub göndərib.
Laporta FIFA və UEFA-dan kluba və onun iş prinsipinə qarşı qərəzdən uzaq durmağı xahiş edib. Vurğulanıb ki, qurumlar məhkəmə prosesi bitənə qədər bu barədə ictimaiyyətə heç bir açıqlama verməməlidi.
Qeyd edək ki, “Barselona” İspaniya Kral Futbol Federasiyasının (RFEF) Hakimlər Texniki Komitəsinin keçmiş vitse-prezidenti Xose Mariya Enrikes Neqreyraya rüşvət ödəməkdə ittiham edilir.
